ORACIÓN POLOS MAIORES
Deus de bondade e misericordia,
que co teu Fillo e o Santo Espírito
formades un fogar de caridade infinita,
desbordada na obra da creación,
manifestada na entrega da cruz,
e infundida na santificación dos fieis.
Dámosche grazas polo don
dos nosos maiores,
que nos legaron o prezado tesouro da fe
coidándoo con solicitude inquebrantable
como discípulos e testemuñas
do Señor Xesús.
Eles son modelo e estímulo na nosa vida,
pozo de sabedoría e ciencia,
de fortaleza e piedade.
Dígnate bendicir as súas vidas coa túa destra,
para que a nosa sociedade enteira,
e cada un de nós,
recoñezamos a súa dignidade,
valoremos e aproveitemos a súa riqueza,
coidemos das súas vidas
e sexamos comprensivos
coas súas debilidades.
Por Xesús Cristo, noso Señor.
Amén.