MAPA DA ARCHIDIOCESE DE SANTIAGO DE COMPOSTELA

A parroquia de Santa Uxía de Riveira forma parte:

Somos a parroquia con máis habitantes do Concello e da comarca (ao redor de 16.000 hab.), constituida, especialmente por razón do traballo vinculado ao mar, por moi diversas nacionalidades de dentro e de fora do país e do continente.

A parroquia de Santa Uxía quere ser “casa entre as casas”, como a denominaba San Juan Pablo II. Unha parroquia inclusiva, evanxelizadora e atenta aos pobres. A acollida, atención e caridade son actitudes que procuramos vivir. A catequese e pastoral son unha prioridade, ainda que nos atopemos sempre con serias dificultades.

Somos conscientes de que hai moito camiño que andar, que a igrexa-parroquia nunca termina de construirse e da necesidade da conversión pastoral que temos que vivir como parroquia, para “«buscar novos camiños», «buscar o camiño para que o evanxeo sexa anunciado»” a todas as persoas.

A Palabra e a Eucaristía son fonte e centro da vida parroquial, e impulso misioneiro para anunciar a alegría do evanxeo máis alá dos muros das propias estructuras nas que nos movemos. Seguimos recoñecendo que hai moito camiño que percorrer, pero imos dando pasos importantes.

Como todas as demais, queremos que a nosa parroquia sexa “un faro que irradia a luz da fe e así responde aos desexos máis profundos e verdadeiros do corazón do home, dando significado e esperanza á vida das persoas e das familias”. (Benedicto XVI)

Damos gracias a Deus por todas as persoas que participan activamente: catequistas, persoas que coidan da limpeza e organización dos templos, voluntarios de Cáritas e Mans Unidas, coros parroquiais, persoal de oficina, sacristáns, pais e nais que colaboran esporádicamente en celebracións ou actividades que se organizan puntualmente,…

———————-

Xunto co párroco construimos a parroquia de Santa Uxía de Riveira, de todos e para todos.